RTSH 24 Live

Aktualitet

I shpallur në kërkim, arrestohet 30 vjeçari në Mat

16/01/2022

I shpallur në kërkim, arrestohet 30 vjeçari në Mat

Një 30-vjeçar i shpallur në kërkim është arrestuar në Mat. Policia bën me dije se i riu ishte shpallur në kërkim për veprën penale “Ndihma për kalim të paligjshëm të kufirit”, si dhe ndaj tij Gjykata e Rrethit Gjyqësor Elbasan, ka vendosur masën e sigurisë ‘Arrest me burg’.

Njoftimi i policisë

Vijon puna për kapjen e personave në kërkim. Kapet dhe ndalohet një shtetas i shpallur në kërkim për veprën penale “Ndihma për kalim të paligjshëm të kufirit”. Në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë policore, shërbimet e Komisariatit të Policisë Mat në bashkëpunim me DVP Elbasan, bënë të mundur kapjen dhe ndalimin e shtetasit:

E. K., 30 vjeç, banues në banues në Klos. Ky shtetas ishte shpallur në kërkim nga DVP Elbasan, me datën 14.12.2021, për veprën penale “Ndihma për kalim të paligjshëm të kufirit”, si dhe ndaj tij Gjykata e Rrethit Gjyqësor Elbasan ka vendosur masën e sigurisë ‘Arrest me burg’. Materialet i kaluan Prokurorisë pranë Gjykatës së Shkallës së Parë Mat, për veprime të mëtejshme.