RTSH 24 Live

Libra

Dy libra me poezi nga Zize Pepshi

07/05/2022

Dy libra me poezi nga Zize Pepshi

Poetja me një karrierë mbi 35-vjeçare nga Peja, Zize Pepshi promovoi këtë të shtunë në Shkodër dy nga librat e saj me poezi. 

Libri "Më janë përzier atdhetë" flet më së shumti për vështirësitë e shqiptarëve të Kosovës të përjetuara gjatë viteve të luftës, ndërsa i dyti i titulluar "Edhe vdekja turpërohet nga dashnia" është një përjetim personal i cili shfaq më shumë gjendjen emocionale të poetes nën forcën e dashurisë që i mund të gjitha vështirësitë.

Pjesë e referantëve të pranishëm në këtë takim promovues ishte edhe një nga personalitetet shqiptare në Malin e Zi, Ali Daci, nënkryetar i Lidhjes Demokratike Shqiptare, pjesë e koalicionit qeverisës në shtetin fqinj ndërsa nuk heziton të thotë dy fjalë edhe për poeten Zize Pepshi.

Drejtuesi i shoqatës patriotike "Kosova për Sanxhakun", Ismet Azizi shprehu dëshirën për të promovuar sa më shumë figurat shqipe kudo ku është e mundur. 

Në fund të takimit poetes nga Kosova iu dha edhe një çertifikatë me titullin "Mirënjohje" nga shoqata atdhetare "Malësia". Përveçse me poezi, Zize Pepshi me origjine nga Peja por qe jeton ne Zvicer njihet si një patriote dhe aktiviste në politikë.