RTSH 24 Live

Europa

Britani e Madhe, masa më të rrepta kundër Omicron mund të nevojiten shumë shpejt

19/12/2021

 Britani e Madhe, masa më të rrepta kundër Omicron mund të nevojiten shumë shpejt

Në iBrtaninë e Madhe mund të merren masa më të ashpra për të frenuar përhapjen e variantit të ri të koronavirusit, Omicron, sipas një njoftimi, ndërsa ministrat po diskutojnë mënyrat sesi të trajtojnë numrin në rritje të infeksioneve.

‘Financial Times’ raportoi se kryeministrit Boris Johnson iu prezantuan të premten një sërë opsionesh sipas të ashtuquajturit Plan C.

Gazeta citoi se aleatët e kryeministrit britanik Johnson të cilët pretendonin se ai donte të vazhdonte me udhëzimet në kuadër të Covid-19, por se ai gjithashtu duhej të ishte realist për kërcënimin më të madh për shëndetin public, Omicron.

Procesverbalet të bëra publike nga Grupi Këshillimor Shkencor për Emergjencat (SAGE), sipas BBC, thanë se shkencëtarët u kishin thënë ministrave se duhet të merren masa më të ashpra sa më shpejt”.

‘The Times’ raportoi se po përgatiteshin projekt-rregullore të cilat mund të ndalonin takimin e personave të tjerë në ambiente të mbyllura, përveçse për qëllime pune, dhe se baret dhe restorantet do të kufizoheshin vetëm në shërbimin në natyrë, për dy javë pas Krishtlindjeve.